8 кастрычніка ў рамках адзінага дня беларускага маўлення ў школьнай бібліятэцы прайшла акцыя “ Чытаем па –беларуску”. Выстава –партрэт “Нячутныя гукі самоты” , прымеркаваная да 80-годдзя з дня нараджэння Канстанціна Тарасава , была прадстаўлена ўвазе наведвальнікаў. Школьнікі даведаліся пра асноўныя тэмы творчасці пісьменніка, пазнаёміліся з яго кнігамі на гістарычную тэматыку, з кароткімі звесткамі з яго жыцця і творчасці.
Урок – падарожжа ” Маленькi чалавек у вялiкiм свеце “ правяла Галушко Н.А., настаўнік 2” Г” класа. Вучні актыўна ўдзельнічалі ў гутарцы аб Беларусі, слухалі і практыкаваліся ў чытанні вершаў Алеся Бадака “Беларусачка”, Міколы Маляўкі “Я беларус маленькі”, узбагачалі слоўнікавы запас, віртуальна падарожнічалі па родным краі.У канцы ўрока другакласнікі выконвалі творчае заданне ў парах: размалёўвалі нацыянальны жаночы і мужчынскі касцюм.
