22 красавіка 2021 года. Акцыя “Чытаем па- беларуску” па традыцыі прайшла ў школьнай бібліятэцы ў рамках адзінага дня беларускага маўлення. Выстава-партрэт “Пісьменнік з душой чулай і паэтычнай” , прысвечаная 135- гадоваму юбілею з дня нараджэння Змітрака Бядулі, пазнаёміла наведвальнікаў са зборнікамі пісьменніка, публікацыямі часопіса “Вясёлка” да юбілеяў майстра слова. Бібліятэкары знаёмілі вучняў з кароткімі звесткамі пра пісьменніка, расказвалі пра яго творы.
Гульню “Гаворым па-беларуску” правяла Цімаховіч І.У., настаўнік 2” Е” класа. На гэтым мерапрыемстве вучні даведаліся шмат новага і цікавага пра сваю родную мову. Другакласнікі складалі прыказкі, перакладалі словы на беларускую мову, тлумачылі значэнне слоў, складалі словы з дадзеных літар. Дзеці мелі магчымасць праявіць сваю кемлівасць, разгадваючы словы і складаюцы прыказкі. З цікавасцю і вясёлым настроем хлопчыкі і дзяўчынкі ўдзельнічалі ў конкурсах “Перакладчыкі”, “Тлумачым”. Лепшыя знаўцы беларускай мовы былі ўзнагароджаны салодкімі падарункамі.
