17 сакавіка 2022 года ў рамках адзінага дня беларускага маўлення арганізавана акцыя «Чытаем па – беларуску». Кніжная выстава «Паэзіі неабсяжны свет» прымеркавана да сусветнага дня паэзіі. Загадчык бібліятэкі Пуцыла А.П. пазнаёміла вучняў з матэрыяламі выставы, нагадала прозвішчы знакамітых беларускіх паэтаў, а школьнікі ўзгадалі іх вершы.
 |
 |
15 сакавіка – свята Кастытуцыі Рэспублікі Беларусь. Таму ў школе прайшло шмат святочных мерапрыемстваў. Так у 8 «Б» прайшла інфармацыйная гадзіна «Дзень Канстытуцыі», на працягу якой вучні даведаліся, калі цяперашні Асноўны Закон РБ быў прыняты, калі і якія змены ў ім адбыліся, якая структура Канстытуцыі. Потым васьмікласнікі праверылі свае веды, адказаўшы на пытанні тэста.
 |
 |
 |
Класную гадзіну «Я маю правы, я абавязаны» правяла Чэрнік А.В., настаўнік матэматыкі.Праз гульню «Імёны», інтэрактыўную гутарку «Права на імя», міні-лекцыю «Канвенцыя аб тваіх правах», ралявую гульню «Юрыдычная кансультацыя» і разбор сітуацый «Правы і абавязкі» вучні 5 «А» класа абагульнілі веды аб асноўных правах дзіцяці, абмеркавалі паняцці «правы» і «абавязкі», паказалі іх адзінства.
 |
 |
 |
Лiтаратурная гадзiна «Вершы пра Радзiму» праведзена Мельнікавай А.Ю., настаўнікам 2 «Е» класа. Вельмі цікавым і запамінальным стала гэта мерапрыемства, таму што дзеці далучыліся да творчасці нашых класікаў, дзе заўсёды ўссхваляецца прыгажосць і непаўторнасць нашай краіны. Вучні расказвалі вершы, адгадвалі загадкі, успаміналі сімвалы і знакамітыя мясціны Беларусі. Мерапрыемства даказала, што беларуская мова гучыць і сёння. Яна прымушае нас перажываць, радавацца, любіць,вымушае мацней біцца нашы сэрцы, ганарыцца нашай гісторыяй і культурай, тым, што мы – беларусы.
 |
 |
 |
 |