Адзіны дзень беларускага маўлення
15 верасня 2022 года. Акцыя “Чытаем па –беларуску” па традыцыі прайшла ў школьнай бібліятэцы. Выстава-партрэт “Пра нашу Радзіму праўдзівыя словы” прысвечана 110- годдзю з дня нараджэння Максіма Танка,а кніжная выстава “Маё сэрца песнямі гаворыць” – 115 –годдзю з дня нараджэння Сяргея Дзяргая.Наведвальнікі бібліятэкі знаёміліся з матэрыяламі выстаў, гарталі старонкі кніг з творамі юбіляраў, узгадвалі, што ведаюць пра іх, з якімі творамі знаёмы. І калі пра Максіма Танка яны ўжо ведаюць,нямала яго твораў вывучалі ці проста чыталі, то Сяргей Дзяргай і яго творы для многіх адкрыццё, бо творчасць гэтага паэта не вывучаецца ў школьнай праграме.Таму дзецям было цікава паслухаць кароткія звесткі пра юбіляра, прачытаць яго вершы.
Гульню-падарожжа “Святы маёй краіны” правяла Малахава Юлія Сяргееўна,настаўнік 2”А” класа.Другакласнікі спачатку ўважліва паслухалі ўступнае слова настаўніка, потым паглядзелі прэзентацыю “Святы маёй краіны”, у час прагляду адказвалі на пытанні настаўніка.Так яны ўзгадалі, што ведаюць пра Каляды, Масленіцу, Дабравешчанне,Вялікдзень і Радаўніцу, даведаліся пра іх больш,пазнаёміліся з новымі для сябе святамі.Затым рабяты ў камандах выконвалі заданні, адказвалі на пытанні, запрацоўвалі балы. Перамагла тая каманда, якая атрымала больш балаў.Усе вельмі стараліся не падвесці сяброў,таму балы былі амаль аднолькавыя.Малайцы!
