Словы запаветныя – і ветлівыя, і светлыя
17 лістапада ў рамках адзінага дня беларускага маўлення ў школьнай бібліятэцы прайшла акцыя “ Чытаем па –беларуску”. Кніжная выстава “Словы запаветныя – і ветлівыя, і светлыя” аформлена да 85 гадоў з дня нараджэння Валянціна Лукшы.Школьнікі знаёміліся з матэрыяламі выставы, гарталі старонкі зборнікаў, слухалі невялікае паведамленне пра юбіляра і расказвалі пра яго творы, якія ім асабліва даспадобы.
Гульню “Моўны турнір”правяла Дудзянкова С.Я., настаўнік 3”Д” класа. Асаблівую цікавасць у дзяцей выклікала разгадванне рэбусаў па- беларуску. А конкурс “Моўны дождж” абудзіў сапраўдны дух спаборніцтва, бо кожны стараўся скласці як мага больш беларускіх слоў з літар, якія “праліліся з хмары”. Потым з дапамогай слоў, да якіх патрэбна было падабраць рыфмы, паспрабавалі хоць на хвілінку стаць паэтамі і ўбачылі, што гэта далёка не проста. А ўзнаўленне прыказак дапамагло вучням не проста ўспомніць алфавіт, але і адзначыць, якое месца займае кожная літара ў ім. Час праляцеў непрыкметна.