13 красавіка ў рамках адзінага дня беларускага маўлення акцыя “Чытаем па- беларуску” прайшла ў бібліятэцы. Выстава-рэквіем «Балючая праўда вайны» прымеркавана да міжнароднага дня вызвалення вязняў фашысцкіх канцлагераў.12 красавіка па ўсёй Беларусі прайшлі мітынгі на месцах былых канцлагераў, у час якіх ушаноўвалі памяць дарослых і дзяцей,што пакутвалі ў час вайны.Школьнікі пазнаёміліся з матэрыяламі выставы, прачыталі звесткі пра тыя страшныя месцы, пагарталі старонкі кніг пра Бухенвальд і Асвенцім.
Урок матэматыкі па тэме ”Даўжыня акружнасці.Плошча круга “ правяла Ланская Н.Р. у 6 “В” класе. Вучні разгледзелі практычнае прымяненне формул, навучыліся аналізу інфармацыі, абагульненню і ацэньванню сваёй работы і работы аднакласнікаў.Рабілі ўсё па-беларуску, стараліся гаварыць правільна, а настаўніца папраўляла, дзе трэба было.Такім чынам школьнікі не толькі засвойвалі матэматычны матэрыял, але і ўзбагалі свой слоўнік.
Пазакласнае мерапрыемства “Падарожжа ў краiну майстроў” правяла Дудзянкова С.Я., настаўнік 3 “Д “ класа. Вучні пазнаёміліся з рамёствамі, якімі займаліся беларусы ў ранейшыя часы, паглядзеўшы прэзентацыю па тэме. Гэтыя рамёствы выклікаюць цікавасць і ў сённяшні дзень. Школьнікі ўбачылі на свае вочы вырабы народнага мастацтва, пазнаёміліся з гісторыяй узнікнення слуцкіх паясоў і паспрабавалі свае магчымасці ў вязанні кручком. Закончылася мерапрыемства знаёмствам з вершам Максіма Багдановіча “Слуцкія ткачыхі”:
Ад родных ніў, ад роднай хаты
У панскі двор дзеля красы
Яны, бяздольныя, узяты
Ткаць залатыя паясы…
А вучні 10 “Б” класа на факультатыве прынялі ўдзел у віктарыне “Абсталяванне хімічнай лабараторыі”.
