26 мая ў рамках адзінага дня беларускага маўлення прайшлі цікавыя мерапрыемствы для малодшых школьнікаў. Гульню “Лета-лецейка ідзе”правяла Сідарава І.С., настаўнік 1 “Д” класа. Дзеці чыталі вершы пра лета, разгадвалі загадкі, самі складалі прыказкі і прымаўкі, слухалі вершы пра лета, малявалі летні дзень, якім яны сабе яго ўяўляюць.
 |
 |
 |
Вучні 1 “А” класа на чале з настаўніцай Нікіцінай І.М. удзельнічалі ў гульні-вiктарыне “Па старонках беларускiх народных казак”. Дзецi адгадвалi назвы казак, перакладалi тэксты з рускай на беларускую мову, тлумачылi назвы казак. Напрыканцы года яны добра ўжо разумеюць беларускую мову, якую вывучалi з верасня па май, могуць размаўляць па-беларуску. Асаблiва спадабалася гульня “Пакажы i адгадай герояў казак”. Кожнаму хацелася паказаць асаблiвасцi казачных герояў. Вiктарына закончылася, але настрой застаўся добрым, узнёслым.
 |
 |
 |