20 кастрычніка .Чацвер.Дзень беларускага маўлення. Напярэдадні, 18 кастрычніка , у актавай зале сумесна з дзіцячай бібліятэкай ім.А.Пушкіна прайшла літаратурна-музычная кампазіцыя “Песняры роднай зямлі”, прысвечаная 140-годдзю з дня нараджэння Я.Коласа і Я.Купалы. Удзельнікі мерапрыемства пазнаёміліся з матэрыяламі выстаў пра творчасць паэтаў-юбіляраў, завочна павандравалі ў музеі Якуба Коласа, паслухалі аповед пра жыццё і дзейнасць вядомых беларусаў, прагледзелі прэзентацыю.Таксама школьнікі адгадвалі назвы твораў па ўрыўках ,разгадвалі загадкі, адгадкі якіх звязаны з назвамі твораў Якуба Коласа.
Акцыя “Чытаем па–беларуску”- традыцыйная ў дзень беларускага маўлення. Да яе аформлена кніжная выстава “Прыгажосць беларускага лесу”. Школьнікі знаёміліся з матэрыяламі выставы, гарталі старонкі кніг пра прыроду, чыталі вершы пра прыгажосць роднага лесу.
Паэтычны вечар “Восень у творах беларускіх пісьменнікаў” правяла Хількевіч А.А., настаўнік 3”А” класа. На працягу сустрэчы вучні слухалі і чыталі вершы, рабілі слоўнікавыя замалёўкі да твораў. Была праведзена работа з прыказкамі пра восень, дзеці шукалі рыфмы ў вершах. Дома вучні рабілі творчыя работы да твораў пра восень, а ў час мерапрыемства падзяліліся сваімі напрацоўкамі.
