3 снежня 2020 года. Акцыя“ Чытаем па –беларуску “ прайшла ў школьнай бібліятэцы ў рамках адзінага дня беларускага маўлення.Агляд беларускіх часопісаў і кніг зрабіла Пуцыла А.П.,загадчык бібліятэкі. Яна пазнаёміла малодшых школьнікаў з цікавымі беларускімі часопісамі ”Буся”,”Вясёлка” , старэйшым расказала пра часопіс ”Бярозка”.Таксама зрабіла агляд новых кніг беларускіх аўтараў.
Урок “Рашэнне задач з дапамогай прапорцый” у 6-ых класах правяла Чэрнік А.В., настаўнік матэматыкі. Вучні вылучалі ва ўмовах задач дзве велічыні, усталёўвалі від залежнасці паміж імі,рашалі задачы на кемлівасць (на “сумесную працу”).
Буціна Ж.М., настаўнік 3 “Д” класа,арганізавала для сваіх вучняў грунтоўнае мерапрыемства-вусны часопіс “Святое слова – Хлеб!” 1 старонка “Хлебнае поле” : а)збіралі прыказкі пра хлеб і тлумачылі іх сэнс (работа ў групах); б) конкурс “Лепшы чытач”; в) тлумачэнне паходжання слова “жыта”; 2 старонка “Хлебаробам слава!”: а)шлях хлеба ад зярнятка да бохана (збіраем паслядоўнасць пры дапамозе карцінак +прэзентацыя); 3 старонка “Сапраўдная цана хлеба”(цана хлеба ў час ВАв) – расказ настаўніка; 4 старонка “Хлеб -наша святыня” а) Свята “Дажынкі” ў Беларусі, б) конкурс малюнкаў.
