21 студзеня ў рамках агульнага дня беларускага маўлення прайшло некалькі цікавых мерапрыемстваў.Традыцыйная акцыя “Чытаем па-беларуску” праводзілася ў школьнай бібліятэцы. Выстава “Чараўнікі прыходзяць да дзяцей” прымеркавана да 70-годдзя з дня нараджэння Міхася Пазнякова. Яна пазнаёміла вучняў з кароткімі звесткамі пра юбіляра- нашага земляка,зборнікамі яго вершаў.
А настаўнік гісторыі Храбтовіч А.Р. правяла ў сваім 7 “Г” класе турнір знаўцаў “Паўтараем,на роднай мове размаўляем” .Пачаўся ён цудоўным вершам беларускай паэткі Лідзіі Полазавай пра родную мову .Пасля знаўцы актыўна ўдзельнічалі ў выкананні заданняў розных тураў: “Знайдзіце дэвіз”, “Конкурс капітанаў”, ”Гавары на роднай мове правільна”, ”Старажытная мова – сучасная аснова”, “Цяжкасці перакладу”, ”Добрыя словы пра родную мову”.